Қазақ халқында "батыр туылса, жүйрігі қоса туылады" деген сенім бар. Ал аңыз-әңгімелерге сенетін болсақ, ондай тұлпар батырға көктен түседі-міс. Жылқы тәрізді асыл жануарды Жаратушы Алла өзі жаратып, жер бетіне өз алақанынан түсірген деген аңыз бар. Көптеген елдердің мәдениетінде жылқы - сәттілік, ырыс, бақ-береке әкелетін жануар саналады. Әрі бұл нышан бүкіл әлемде кеңінен қолданылып, батылдық пен жылдамдықтың, абырой мен құрметтің энергетикасын таратып, кез-келген сынақтарға қарсы тұрар күш-қайрат пен төзімділікті оятады.
