Әйелдерге арналған жаңа Қаламқас сағаты – жинақы,
сәнді әрі танымал қалыпта дайындалған. Циферблаттың лазурит тасы түстес терең де тұңғиық реңкі аспан күмбезіндегі ғажайып түнді сипаттап, түн қамытындағы шырақтар – әуе жұлдыздарының әйел бейнесімен үйлесетін ерекше шұғыласын айғақтайды. Егер сіз барлық шартарапты кезіп, ару болмысына тән айрықша сағаттар топтамасын іздесеңіз, сөзсіз, Қаламқасқа назар аударыңыз. Өйткені Қаламқас – қазақ қызының әсем есімі ғана емес, оның қасы-көзі қиылған көркіне тамсанудан туған ерекше сезімдер айнасы. Сондықтан, ЕMPIRE шеберлерінің биік талғамында ширыққан аталмыш туынды уақыт ағынынан бөлек әрбір сәттің бағалы бақыты мен әйел жаратылысының жарқын кезеңдерін дөп басады.
