Түркістан қаласындағы Қожа Ахмет Яссауи кесенесі - ортағасырлық сәулет өнерінің жауһары, XIV ғасырда Әмір Темірдің бұйрығымен салынған. Біздің дизайнерлеріміз кесененің кіре беріс қақпасының шағын көшірмесін жасап шығару барысында арнайы зерттеу жұмыстары жүргізді. Жәдігерді мейілінше толық зерттеу, дизайнерлер мен өндіріс шеберлерінің аса ұқыпты еңбегі бірегей бұл бұйымның детальдарын дәлме-дәл көрсетуге мүмкіндік берді. Әсіресе, ондағы жазулардың айна-қатесіз қайталануына аса мән берілді, себебі ол сөздер осы табалдырықты аттаған әрбір жан үшін рухани байлыққа апарар алғашқы есік екенін сипаттайды.
Әсіресе "Қасиетті қақпа - бақыттың қайнар көзі! Әулиелерге деген сүйіспеншілік - бақыттың кілті!" - деген киелі жазуларды жаңғыртуға ерекше көңіл бөлінді.
