Көптеген әлем халықтарында құстар еркіндік пен бақыттың нышаны саналады. Қазақтар үшін басқа құстарға қарағанда Үкінің орны бөлек. Тіл-көзден, бәле-жаладан сақтайды деген сеніммен қазақтар үкінің қауырсынын және тырнағын тұмар ретінде қолданған. Осы күнге дейін баланың бесігіне, бас киімге, тіпті үйдегі ілінген кілемге де киелі құстың қауырсынын байлау әдетке айналған. Ал үкінің аяғы (тырнағы) тіл-көзден, пәле-жаладан сақтайтын тұмар ғана емес, әйел киіміне ерекше әр беретін көркем әшекейге айналған.
Ақ шынардан гүл кетпесін,
Ақша жүзден нұр кетпесін!
Гүлдей болсын өміріңіз,
Нұрға толсын көңіліңіз!
