Түркістан қаласындағы Қожа Ахмет Яссауи кесенесі - ортағасырлық сәулет өнерінің жауһары, XIV ғасырда Әмір Темірдің бұйрығымен салынған. Кесененің кіреберіс есігінің орта бөлігінде есікті қағуға арналған қола тоқпақшалар - "Халка" орналасқан. Онда жиектеле ойылып жазылған, алтынмен апталып, күміспен күптелген парсы, араб тіліндегі насхи қолтаңбасымен жазылған жазулар бар.
EMPIRE осынау жәдігердің шағын көшірмесін жасап шығару барысында арнайы зерттеу жұмыстары жүргізді. Жәдігерді мейілінше толық зерттеу, дизайнерлер мен өндіріс шеберлерінің аса ұқыпты еңбегі бірегей бұл бұйымның детальдарын дәлме-дәл көрсетуге мүмкіндік берді. Әсіресе, ондағы жазулардың айна-қатесіз қайталануына аса мән берілді, себебі ол сөздер осы табалдырықты аттаған әрбір жан үшін рухани байлыққа апарар алғашқы есік екенін сипаттайды.
Фондағы жазудың аудармасы: "Пайғамбар (с.ғ.с) айтты: Дүние уақыт, оны өзіңе бағындыра біл"
