Қорқыт – ұлы философ, аңызшы-жырау, қобызшы. Қазақ философиясының тарихында Қорқыт ата ел бірлігіне атсалысқан кемеңгер, қоғамдық қайраткер, ойшыл-дана, түркі дүниетанымының негізін салушы, әлем мәдениетінде өз орнын алған гуманист-философ болып саналады. Аңыз бойынша Қорқыт жас кезінен-ақ адам өмірінің қысқалығына мойынсұна алмайды, сондықтан өлімге қарсы күресуге бел байлайды. Жауапсыз ойлар мазалап, мәңгілік өмір туралы арман жетелеген Қорқыт ағаштан шырғай – бірінші қобызды ойып алып, оған ішек тартып, жанын жегідей жеген ойлары мен сезімдерін күйге салып, шерін тарқатады. Жүректен шыққан әуен, таңғажайып дыбыстар дүниеге жайылып, адамдарды баурап алады.
Панно танымал суретші, Қазақстанның еңбек сіңірген қайраткері Ағымсалы Дүзелхановтың шығармасы желісінде жасалған.
