"Ornek" сыйлық топтамасы зооморфтық мәнердің заман ажарына сай жарқын бейнесін сіңірген. Топтамадағы жазу кітабының мұқабасы былғарымен қапталып, қолөнерлік сипатта қазақтың "қошқар мүйіз" оюынан құралған бірегей өрнекпен бедерленген. Оның қасындағы мінсіз сапаның айғағы іспеттес айшықты қаламның сауытында бедерленген сиқырлы өрнектер көздің жауын алады. Топтама дизайнының негізін құрайтын өрнектер қошқардың шиыршық мүйізінің елестетіп, ұлттық нанымда байлық пен берекені сипаттайды. Сондықтан "Ornek" топтамасының иегері бақ-дәулет шақыратын айрықша сыйға ие болады. Даралық пен бірегейліктің бейнесін айшықтап, ерекше талғамның үлгісін көрсететін топтама тұлғаны жаңа жолдарға бастайды, қызметтік өрлеуінде тың табыстарға жетелейді, ұлттық дүниетанымның асыл қайнарларына жеткізеді.
