Бұл керемет мүсінше – Қазақстан тәуелсіздігінің алғашқы символдарының бірі, Алматыдағы Республика алаңында орналасқан Монументтің шағын көшірмесі. Бұл ескерткіштің басты тақырыбы ретінде Есік қорғанынан (б.з.д. V –VI ғғ.) табылған, "Алтын адам" аталып кеткен ежелгі сақ жауынгерінің бейнесі сомдалған. Бүгінгі Алматыға ерекше көрік беріп тұрған, Шота Уәлиханов бастаған авторлық коллективтің бұл туындысы – қазақ елінің тәуелсіздігін, болашаққа деген сенімі мен талпынысын бейнелейді.
